Tabel 1.-imi kukkuneq
15. aggusti 2019-imi iluarsineqarpoq
Aasaanerani innuttaasut amerlasuut
2019-imi juulip aallaqqaataani Kalaallit Nunaanni inuit 56.225-t najugaqarput. Ukioq manna januaarip aallaqqaataannit 233-nik amerlanerupput ukiulli siulianit 200-nik amerlanerullutik. Tamanna innuttaasut Kalaallit Nunaata avataani inunngorsimasut amerlasuut nunasisimanerannik pingaartumik peqquteqarpoq.
Titartagaq 1. Innuttaasut amerlassusaat. 2010-miit 2019-imut januaarimi juulimilu
Najoqqutaq: Naatsorsueqqissaartarfik, http://bank.stat.gl/BENSTM1
Titartagaq 2.-mi takutinneqarpoq 2007-mi jaanuaarip aallaqqaataannit nunasisartut tamakkerlugit ineriartornerat. Takuneqarsinnaavorlu innuttaasut Kalaallit Nunaanni inunngorsimasut ukiut marluk qaammatillua arfinillit ingerlanerini katillugit 800-nik ikinnerulersimasut. Akerlianik innuttaasut Kalaallit Nunaata avataani inunngorsimasut amerlanerulersimapput. 2019-imilu qaammatini siullerni marluinnarni 193-inik amerlanerulersimallutik.
Nunasisarnerit saniatigut aamma innuttaasut tamakkiisumik annertussusaanni ernisarnerit toqusoqartarneralu allanngorput.
Titartagaq 2. 2017-imi januaarip aallaqqaataannit nunasisartut ataatsimut katillugit
Najoqqutaq: Naatsorsueqqissaartarfik, http://bank.stat.gl/BENBBIUKK
Tabel 1. Kommunini innuttaasut
Najoqqutaq: Naatsorsueqqissaartarfik, http://bank.stat.gl/BENSTM2
Naqqitaq: Tabelimi kukkuneq. 15.aggusti 2019-imi 6.317-it 6.427-nut iluarsineqarpoq.
Kisitsisit sukumiinerusut Kisitsisaataasivimmi (http://bank.stat.gl) pissarsiarineqarsinnaapput.
Tabelini kisitsisit nutartikkat :
1.juuli 2011-mit 2019-imut innuttaasut [BENSTM1]
1.juuli 2011-mit 2019-imut kommunini innuttaasut [BENSTM2]
1.juuli 2011-mit 2019-imut distriktini kommuninilu innuttaasut [BENSTM3]
1.juuli 2011-mit 2019-imut najugaqarfinni innuttaasut [BENSTM4]
1.juuli 2011-mit 2019-imut aappaqarnermi inissisimaneq [BENSTM5]
1.juuli 2011-mit 2019-imut innuttaasut innuttaassuseqarnerat 2019 [BENSTM6]
1.juuli 2011-mit 2019-imut Nuummi innuttaasut innuttaassuseq malillugu [BENSTM6NUK]
1.juuli 2011-mit 2019-imut innuttaasut nuna inunngorfik malillugu [BENSTM8]
1.juuli 2011-mit 2019-imut Nuummi innuttaasut nuna inunngorfik malillugu [BENSTM8NUK]
1.juuli 1994-imit 2019-imut Nuummi innuttaasut illoqarfimmi najugaqarfiit malillugit [BENSTMNUK]
Taamatuttaaq kvartalikkaartumik tabelit:
Kvartalikkaartumik innuttaasut amerlassusaat. 2017-2019 [BENSTK1]
Distriktini komuninilu innuttaasut. [BENSTK3]
Nuummi innuttaasut illoqarfimmi najugaqarfiit malillugit. Kvartalikkaartumik naatsorsuutit 2017-2019 [BENSTKNUK]
Nuuttarnerit, kvartaalikkaartumik qaammammut naatsorsuutit kisitsisaagallartut. 2017-2019 [BENBAF2K]
Nunasisarnerit, kvartaalikkaartumik qaammammut naatsorsuutit kisitsisaagallartut [BENBBIUK]